Internacionala :-)
Novškua ruadajat i kevhät,
Ken viluo, nälgiä nähnün on.
Miän jogo veritilka kiehuv
I borčuh varoin valmis on.
Vanha ilma trudiečijoin kiällä
Pidäv ünnäh juvrdua pois,
Štobi ruadajin i kevhin viällä
Miän uvži ilma luadie vois.
Tämä šuvriin kaikkie tora
Nüt jo jälgimäne liev.
Internacionalah
Hiän trudiečijat viev.
Ni ken ei avta meilä piäššä:
Ni čuari, jumala, ni ken.
Vain vägi ruadajin i kevhin
Voiččov üksin luadie žen.
Štobi šordua buržuit iččien piäldä
I omat elot kiskuo šais,
Pidäv ahjoloissa pidiä tulda,
Štobi ravda jähtümäh ei jäis.
Tämä šuvriin kaikkie tora
Nüt jo jälgimäne liev.
Internacionalah
Hiän trudiečijat viev.
Vain niillä mua, ken ruadua šuaččov,
Ken omua vägie ijän möi.
A ei, ken muilla ruavot ruatto,
Ken muijen verdä ijän joi.
I konža šuvri ukon jürü
Hiän piälöin piällä jürähtäv,
Nin meilä varoin, kuin i ennen,
Päiväne šilloin čirahtav.
Tämä šuvriin kaikkie tora
Nüt jo jälgimäne liev.
Internacionalah
Kaikki trudiečijat viev.